तुम चलत सहमित संस्फुरत !

गोपाल बघेल 'मधु'

तुम चलत सहमित संस्फुरत,

स्मित औ सिहरत प्रष्फुटत। 

परिप्रेक्ष्य लखि परिद्रश्य तकि,

पटकथा औ पार्थक्य लखि ।

उड़िकें गगन आए धरणि,

बहु वेग कौ करिकें शमन।

वरिकें नमन भास्वर नयन,

ज्यों यान उतरत पट्टियन ।

बचिकें विमानन जिमि विचरि,

गतिरोध कौ अवरोध तरि।

आत्मा चलत झांकत जगत,

मन सहज करि लखि क्षुद्र गति ।

आकाश कौ आभास तजि,

वाताश कौ भूलत परश।

ऊर्जा अगिनि संयत करत,

वारिधि की बाधा करि विरत ।

अहसास अपनौ पुनि करत,

विश्वास प्रभु सत्ता रखत।

'मधु' चेतना चित वृति फुरत,

चिर नियंता, आदेश रत।